Donostiako Udala / Ayuntamiento de San Sebastián

GIZARTE EKINTZARAKO KONTSEILUA
Gizarte Ekintzako Aholkularitza Kontseilua Donostiako Udalak sortu zuen 2001. urtean, gizarte-zerbitzuekin lotutako udalaren erabakietan hiriko gizarte-ehunak parte hartzeko bideak ezarri eta egituratzeko. Kontseilua, Gizarte Ongizate Sailaren jarduteko eremuak islatzen dituzten hainbat Batzordek osatzen dute: Adinekoen Batzordea Gizarte Bazterketari buruzko Batzordea Minusbaliotasun Batzordea Ekintza Komunitarioari buruzko Batzordea Prebentzioa, Haurrak eta Familiari buruzko Batzordea
Batzordeen eginkizunak
Batzorde horietako bakoitzak ondoko zeregin hauek ditu: Udalaren programak eta zerbitzuak aztertu eta ebaluatzea bere lan-esparruan. Dagokion udal-organoari, zerbitzu berriak ezartzeko edo daudenak hobetzeko proposamenak egitea. Udalaren egoera bere jardun-eremuetan aztertzea. Dagokion esparruan jarduteko politikaren helburu orokor eta espezifikoak ezartzen eta zehazten parte hartzea. Jardun-programak diseinatzeko proposamenak egitea. Bere eskuhartze-eremuari dagozkion aurrekontu-ildoak ezagutu eta baloratzea, eta egokiak iruditzen zaizkion aurrekontu-proposamenak landu eta egitea. Lan-batzordeetan, Udalaren ordezkaritza politiko eta teknikoaz gain, esparru bakoitzean jarduten duten erakunde, elkarte eta enpresek hartzen dute parte, bai eta sektorean eskuduntza duten Administrazioek ere. Gizarte Ekintzako Kontseiluaren Osoko Bilkura Lan Batzorde guztietako kideez osatuta dago eta, gutxienez, urtean behin biltzen dira. Gizarte Ekintzako Kontseiluaren funtzionamendua, Udalbatzak 2001eko urriaren 22an behin betiko onartutako eta 2001eko azaroaren 21eko Gipuzkoako Aldizkari Ofizialean (223. zenbakia) argitaratutako Araudiaren bidez erregulatzen da.
Informazio gehiagorako
Ongizate Saila Urdaneta, 13 Tlf.: 943 48 14 24 Fax: 943 48 14 14 Kontaktua: Eginkizu honi buruz informazio gehiago nahi dut
Udal  izaera ez duen partehartze esperientzia bat ezagutzen baduzu, aditzera eman eta guk web orriaren barruan sartuko dugu: Kontaktua