Donostiako Udala / Ayuntamiento de San Sebastián

BIZITRUK-DONOSTITRUK arrakastatsua izan zen, eta hurrengo DONOSTITRUK uztailaren 14an izango da Easo Plazan

Ekainaren 9an Bizitruk-Donostitruk-en edizio berezia egin zen, bizikleten inguruko bigarren eskuko merkatua, eta arrakasta handia izan zuen, bai jendearen aldetik eta baita bizikleten salmentan ere.

Merkatua hasi zenetik jende ugari gerturatu zen, bere bizikletak saltzeko asmoz edo erabilitako bizikleta bat erosteko asmoz. Horrela, BIZITRUK edizio honetan aurreko edizioetan baino bizikleta gehiago saldu ziren. 125 bizikleta erregistratu ziren, eta horietatik 89 saldu ziren. Preziorik merkeena 10 eurokoa izan zen eta garestiena 220 eurokoa, batez bestekoa 70 euro izanik.

Hurrengo Donostitruk

Uztailaren 14an, hilero bezala, Donostitruk, Donostiako bigarren eskuko merkatua Easo plazara bueltatuko da. Arropa, osagarriak, liburuak, eta CDak salduko dira bertan. Gerturatu eta erosi edo saldu nahi duzuena.
Hilabete batetik bestera gero eta jende gehiagok nahi du, bigarren eskuko merkatu honetan  parte hartu. Eskaera kopurua nabarmenki ari da igotzen, bai salmenta-postua erreserbatzeko eta baita posturik gabe gauzak saltzeko ere.

Lehentasuna, elkarteei eta ikastolei ematen zaie, eta ondoren partikular donostiarrei.

Zure gauzak guk saldu ditzakegu

Saldu beharrekoak antolatzaileen postura gerturatu behar dira merkatuaren egun berean goizeko 9:00ak eta 10:00ak tartean. Bertan, zerrenda egin eta prezioa jarri ondoren utzi egiten dira eta merkatua amaitzean, saldutakoaren etekina eta saldu gabekoa jasotzea itzuli beharra dago.

Antolatzaileak  postuan dituzten gauzak zaindu arren, zerbait faltako balitz, edo matxuratuko balitz, Donostitruk ez litzateke hauetaz arduratuko.Onartuko diren gauzak, lau sekziotan bana daitezke: liburuak, musika-zinema, jokoak - jostailuak eta dekorazio artikuluak (tamaina txikikoak).

Informazioa eta erreserbak www.donostitruk.org

Donostiako Udalak web orri hau jarri du Interneten, informazioa errazteko eta salmenta postuen eskakizunak egiteko. Interesa duenak merkatu bakoitzerako egin behar du eskakizun berri bat. Zalantzak edo informazioa galdetzeko, 943483390 telefonora deitu edo ingurunea@donostia.org email bat bidali dezakezu.

Produktuak berrerabiltzeko helburua dauka Donostitruk-ek. Horrela, zabortegian bukatuko zuten liburu edo jostailu bat berriro agertzen dira merkatuan. Zer lortuko dugu horrekin? Zabor gutxiago sortzea, elaborazio prozesuan lehengai gutxiago erabiltzea, eta elaborazio horretan kutsadura gutxiago sortzea.

Merkatu hauek garatzeko Udalak Gipuzkoako Foru Aldundiaren diru laguntza jaso du.